Mpồl cau ala măt Quốk hội càr Dăk Lăk bơyai lơh pơrjum tìp mờ cau tĕ khà tơnơ̆ mờ pơrjum dơ̆ 8
Thứ ba, 13:42, 10/12/2024
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV4.K'Ho- Mho òr (09/12), Mpồl cau ala măt Quốk hội càr Dăk Lăk bơyai lơh pơrjum tìp mờ cau tĕ khà tơnơ̆ mờ pơrjum dơ̆ 8. Pơrjum geh bơyai lơh tơrgùm tàm ƀòn dờng Buôn Ma Thuột mờ tơrbŏ bal pờ tàm internet tus ală kơnhoàl: Krông Păc, Krông Búk, Cư Mngar, Krông Năng, Ea Súp mờ Buôn Đôn.
Tàm pơrjum, cau tĕ khà càr Dăk Lăk neh geh uă jơnau đơs, jơnau dan pơgồp bal gơrềng tus broă bơtàu tơnguh lơh sa mpồl bơtiàn càr dê bè: khà priă dong kờl nàng lơh jăt broă bơ̆t bơtàu ƀòn lơgar pa.
Cau tĕ khà càr Dăk Lăk kung dan ƀộ, gah lơh broă, ală tiah sền gròi rơlao tai nàng lơh mhar broă bơsong ù lơh hìu ơm, ù lơh sa mờ hìu ơm jăt broă lơh jơnau kờñ Dà lơgar bơtàu tơnguh lơh sa mpồl bơtiàn tiah làng bol jơi bơtiàn ờ gal cau mờ tiah kơh bơnơm; broă tơm bơtơl ai ală hìu làng bol gơtìp toh wơl ù nàng lơh Hìu măi ồs đèng Srepok 3, broă lơh tơn jơh hìu sèt…
Viết bình luận