Đơs tàm dơ̆ pơrjum, Thủ tướng ồng Phạm Minh Chính sồr ală cau ala măt tơrgùm cribơyai bè Jơnau yal Tơn jơh kơnòl broă lơh broă bơh Mpồl duh broă Tàm pơrlòng- Jờng rơ pà khà jờng Dà lơgar dê nam 2024, lam lơh jăt kơnòl broă tờm nam 2025; Cribơyai, ai jơnau đơs bè broă dan pà sră jờng rơ “Khin cha jak chài Mpồl phàu crong làng bol”, sră jờng rơ “Khin cha jak chài Lơh broă” ai ală mpồl cau mờ cau dồ nă să is in. Đơs wơl bơta geh ngan lơh broă tàm pơrlòng, jờng rơ pà khà jờng nam 2024: Pal pà gĭt loh ală cồng nha, broă lơh neh lơh geh, ală bơta gam gơkòl, ờ hềt dipal; Gĭt nền loh làng jơnau kờñ, kơnòl broă tờm nam 2025 mờ ai geh ală kơnòl broă, broă lơh kờñ pal sền ngăc nàng tơngguh uă bơta niam mờ cồng nha bơh broă lơh tàm pơrlòng, jờng rơ pà khà jờng dê.

Is ồn, Thủ tướng sồr ală anih lơh broă mblàng yal jơnau tơrgùm mblàng yal pràn kơldang rlau tai, nàng srơh gơmŭt jrô tàm làng bol. Nam 2024, Củ tịc lơgar, Thủ tướng Cíñ phủ neh jờng rơ pà khà jờng ai mờr 95 rbô mpồl cau, cau dồ nă să is geh cồng nha jak ngan tàm ală srơh tàm pơrlòng, tàm bơ̆t bơtàu mờ sền gàr Dà lơgar.