Dơ̆ drà geh bơta tus bal bơh 120 mpồl lơh sa kă bro, mpồl lơh broă bal, hìu kă bro is, mờ 130 cơldŭ ràng tăc biăp, bơkàu, lòt nhơl broă lơh sa sươn sre, ală phan bơna OCOP pơnrơ is, bơta pràn bơh ƀòn dờng Dà Làc, Bảo Lộc mờ ală kơnhoàl bơh càr Lâm Đồng dê. Bơdìh hơ̆ tai, kwận 8, ƀòn dờng Hồ Chí Minh mờ Anih lơh broă sră pơ àr gơnoar ătbồ kơnhoàl Hampyeong, càr Jeolla Nam, lơgar Hàn Quốc dê kung geh sơl cơldŭ ràng tơlik yal tơnggĭt phan bơna.

Jăt ồng Nguyễn Văn Sơn, Phó Củ tịc Anih duh broă Làng bol ƀòn dờng Dà Làc, dơ̆ drà là ù tiah nàng hòi jà kă bro, là anih ƀươn ƀoài nàng ală mpồl cau, cau dồ nă să is gam lơh broă tàm gah broă tam, lơh phan, kă bro phan bơna biăp, bơkàu, mờ ală phan bơna pơnrơ is geh bơta pràn bơh tiah he dê in tìp măt, tàm lùp tàm cribơyai, jòi cau lơh broă bal mờ kĭ hơ ală sră pơrgon kă bro phan. Dơ̆ drà biăp- bơkàu jŏ jòng tus ngai 15/12 do.