Tus mờ geh jơnau đơs tàm pơrjum, Củ tịc Quốk hội ồng Trần Thanh Mẫn sồr tơnkah, Mpồl duh broă Làng bol ƀòn dờng Hà Nội pơn jăt tai ngui nùs nhơm tam gơl pa tàm broă lơh, pal sùm là “lam lài gơguh jăk” bơh Mpồl duh broă Làng bol ală càr, ƀòn dờng tàm gùt lơgar dê.

Tam gơl pa bồ tơngoh tàm broă bơ̆t bơtàu adăt boh lam, tơnguh uă bơta niam, cồng nha tàm broă sền sơwì, ai geh ală bơta kwơ màng gơwèt gơnoar broă. Củ tịc Quốk hội đơs là, Pơrjum dơ̆ do bơh Mpồl duh broă Làng bol ƀòn dờng Hà Nội rơ̆p là Pơrjum bơh bơta pràn pa, bơh nùs nhơm tam gơl pa, ai geh bơta pràn pa, di tŭ bơsong kal ke, lơh geh bơta pràn, tơrgùm uă tàm broă bơtàu tơnguh lơh sa mpồl bơtiàn, gàr niam dà lơgar, lơngăp lơngai mờ tơnguh uă rài kis Làng bol Càr lơgar, pơgồp bal niam tàm broă tam gơl pa, bơtàu tơnguh pràn kơl dang dà lơgar tàm rài pa. Jăt mờ hơ̆, Hà Nội pal tơrgùm ai lài bơta pràn, ai geh bơta gơguh pràn kơl dang rơlao tai bè phan bơna ndrờm bal, ngăc ngar mờ lơh pa, geh bơta pơgồp bal uă; tơrgùm atbồ broă rơndăp ù tiah pơgồp bal mờ ală broă rơndăp lơh geh lơh tàm ală gah lơh sa, niam chài, mpồl bơtiàn...