Tus bal ơdŭ bơto pơlam do, ală cau bơsram geh ală cau gĭt wă jrô broă do bơh Anih kơlôi sơnơng Bơtàu tơngguh Pờ tơlik jơnau đơs Sơñio rùp câu Á- Thái Bình Dương bơto pơlam ală bơta chài kwơmàng tàm tŭ jòi jơnau yal, bơsong rùp hiñ, lơh lơma mờ sền swì. Is ồn, là broă chài ngui bàr pe măy mŏk sồ, phan ngui sồ pa nàng pơgồp bal đah jơnau yal tơnggĭt mhar, di tŭ nàng kờñ bơtơl jơnau yal li la, tơngguh uă bơta pràn gơhòi gơ jà bơh jơnau cih sền gŏ ngan ngồn gơlik geh pah ngai dê. Bal mờ bơnah bơsram jơnau tàm sră pơ àr, ală cau bơsram gam să tờm tơn tus bal dơ̆ tàp lơh tàm tiah ngan ngồn, dong cau bơsram đòm jăt jơnau gĭt wă tàm bơta geh ngan.

Do là broă lơh ală broă lơh tơngguh uă broă lơh ờs mờng sră ƀăo, nàng kờñ lơh geh jơnau kờñ ngai sơlơ uă bơh cau sền cau iăt dê bè bơta niam yal tơnggĭt jơnau gơlik geh pah ngai bơh Anih Jơnau đơs Việt Nam dê.