Jơnau lơh nền đơs loh, ală cau neh geh cồng nha jak chài ngan nisơna tàm tŭ lơh jăt kơnòl broă tàp tam lơh, pơgồp bơnah tàm broă lơh bơ̆t bơtàu củ nghĩa xã hội mờ sền gàr Dà lơgar. Lài hơ̆, ngai 05/12, Phó Thủ tướng Duh broă sùm ồng Nguyễn Hoà Bình ala măt Cíñ phủ kĭ Jơnau lơh nền bè broă pà Sră “Dà lơgar cih dà kơlhề” ai 12 nă cau ling phi să tàm tŭ lơh jăt kơnòl broă tàp tam lơh rơcăng gàr lài Ling tiah 7.

Tơnơ̆ tŭ dơ̆ broă gơlik geh, Gah đơng lam Ling tiah 7 neh di tŭ sồr ală anih lơh broă geh gơnoar mờ mpồl lơh broă pơgồp bal niam mờ kâp ủy, gơnoar ătbồ tiah do mhar lam sền swì tiah gơtìp rềs àr, jòi, tơrgùm, lùp khàu dơ̆ broă; mơkung lơh niam broă lơh bồ tơnggoh, hòi jà làng bol, broă dong kờl; di tŭ sền gròi, pơndờm pơnđiang, tam pà bal jê sồt muăt jrùm roh rui mờ ală hìu bơnhă geh ling phi să.