Thủ tướng lơgar Nhờk ồng Ishiba Shigeru brơn brài wă rò Củ tịc Quôk hội ồng Trần Thanh Mẫn tus còp ngan ngồn lơgar Nhờk; pà gĭt sùm rềp ndo tàm ală dơ̆ Pơrjum uă lơgar neh geh tŭ bơtuah tìp măt kâp dờng mờ Củ tịc lơgar Việt Nam ồng Lương Cường mờ Thủ tướng Cíñ phủ ồng Phạm Minh Chính mờ đơs là gĭt gơ̆p 2 lơgar niam bơnĕ ngan mờ geh bơta tam klăc đềt mềr đah kwang đơng lam bồ kâp dờng 2 lơgar dê.

Củ tịc Quôk hội ồng Trần Thanh Mẫn sồr lơgar Nhờk pơn jăt tai dong kờl Việt Nam tàm broă lơh lơh sa mờ măy mŏk, lơh sa măy mŏk lơh jơh lơm; ai tơl bơta, rề ơnàng lơh broă bal bơcri priă tàm phan bơna, năng lượng sàng goh, năng lượng lơh geh wơl, broă lơh sa sươn niam ngan, tam gơl tơlir, tam gơl sồ, anih tờm jơnau yal tơnggĭt, cĭp ƀán zẫn…ală broă mờ lơgar Nhờk geh uă bơta pràn; Nhờk dong kờl Việt Nam tus bal ală anih lơh gơlik cĭp ƀán zẫn gùt plai ù. Tàm dơ̆ tìp măt kâp dờng, bàr gah dồ nùs bal sơlơ pơgồp bal bơto mpồl cau lơh broă bơh ai tơl bơta lơh broă bal lơh broă, bơto cau lơh broă jak, tìp măt lơh kwèng làng bol.