Phó Thủ tướng cih dờp, jờng rơ uă ngan bơta pơnđơl pràn lơh ngan, jơh nùs lơh ngan mờ ală cồng nha kwơ màng mờ Đảng ƀộ, gơnoar atbồ mờ làng bol ală jơi bơtiàn càr Lâm Đồng; ƀòn dờng Dà Làc dê neh lơh geh tàm ală nam do. Mơkung tơngkah tàm tơngai tus, càr pal pơn jat tai sền gròi tus broă lơh sền gàr tiah ơm kis, sền gròi tus măi mok lơh broă sa, broă lơh rơwah lơh geh, blơi ală sơntìl bơkào kwơ, geh kwơ uă, di pal mờ jơnau kờñ drà kă bro dê nàng tơnguh uă bơta pràn tàm pơrlòng mờ bơtàu tơnguh gah bơkào kơ̆ kơl jăp; pơn jờng ală broă lơh lơh bal kă bro, lơh bal đah ală mpồl lơh sa kă bro mờ cau tam phan, sền gàr mờ bơtàu tơnguh mat kă bro nàng mut gơrờm bal mờ drà kă bro ală lơgar dê.

Festival Bơkào Dà Làc dơ̆ 10 nam 2024 jŏ jòng tus jơh ngai 31 nhai 12, pơrgon mờ uă tơngume, broă lơh niam ngan nàng năc lòt nhơl mờ làng bol tiah do in geh uă tŭ tơngai sền gĭt mờ lòt sền.