Thủ tướng neh yal tus mờ ală cau tĕ khà in cồng nha pơrjum dơ̆ 8 mờ bơta lơh sa mpồl bơtiàn bơh Dà lơgar dê pa do, bơta tam gơl pa, rơndăp tăp sèng wơl cau lơh broă bơh ală anih lơh broă cíñ trị dê, tơrmù cau lơh broă sa priă nhai pơgồp bal mờ rơndăp tăp sèng wơl, tơnguh uă bơta niam, ngui geh cồng nha mpồl kwang bàng, kông cứk, viên cứk; tơrmù priă tă ngui sùm mờ pơgồp bơnah tam gơl pa broă lơh priă nhai dê.

Mờ Thủ tướng kung hơ ală jơnau đơs bơh cau tĕ khà dê sền gròi, bè: ală broă gơrềng tus phan bơna bơt bơtàu, ngan là gùng rơndeh lòt mhar đah Tô- đah Jum Dà lơgar, Gùng rơndeh ồs lòt mhar đah Tô- đah Jum Dà lơgar, ală broă lơh dong kờl gơwèt mờ cau geh màng mờ Dà lơgar; broă rcang lài kơryan ngơr bam dà, gàr tơl dà tàm tiah ring dà dờng Cửu Long. Thủ tướng đơs nền tŭ do, Cíñ phủ mờ ală tiah gam jơh nùs ngan lơh ală broă lơh rơndăp wơl ù tiah tơl 1 tơlak lồ ù nàng tam 1 tơlak lồ kòi, bơt bơtàu mat kă bro kòi phe Việt Nam tiơng pơn rơ tàm dunia, lơh li la uă drà kă bro, dong kờl jak chài măi mok, jat ngui tam gơl sồ.