Pơrjum dờng là broă lơh cíñ trị dờn bơh cau kơnòm să, ngai chờ tam klăc bal uă bơh ală ơruh pơnu lơgar Việt Nam kờñ gơboh dà lơgar dê, ai tơngŏ broă bơtàu tơnguh pa bơh mpồl bal mờ srơh ơruh pơnu dê. Tus bal Pơrjum dờng geh 980 nă cau ala măt, ala măt 21 tơlăk nă kwang bàng, cau tàm mpồl, ơruh pơnu tàm gùt lơgar.

Mờ jơnau geh ai lơh broă: Ơruh pơnu lơgar Việt Nam Kờñ gơboh dà lơgar-Kơ̆p kờñ-Tam klăc-Lam lài-Bơceh lơh-Pin dờn mŭt tàm rài pa”, Pơrjum dờng Mpồl tam klăc ơruh pơnu lơgar Việt Nam dơ̆ 9 bơyai lơh tơn jơh, sền wơl broă lơh Mpồl mờ srơh ơruh pơnu tàm tơngai lơh broă dơ̆ 9; bơ̆t bơtàu jơnau kờñ, kơnòl broă, broă lơh Mpồl dê bal mờ srơh ơruh pơnu tơngai lơh broă dơ̆ 9 (2024-2029); Cri bơtai pồ Anih duih broă Mpồl tam klăc ơruh pơnu lơgar Việt Nam khoă 9 (tơngai lơh broă bơh nam 2024 tus 2029).