Đơs sơnđờm mŭt lơh dơ̆ pơrjum, Củ tịc Quôk hội ồng Trần Thanh Mẫn đơs sùm broă tơrmù mpồl lơh broă dơ̆ do pal ngan ngồn là dùl dơ̆ tam gơl bơta yau gơgơs bơta pa, broă rơndăp tăp sèng pal gàr geh mpồl lơh broă ngan ngồn “tơrmù, loh làng, pràn, lơh broă geh cồng nha, lơh broă gơtùi, geh cồng nha”, ờ rơndăp tăp sèng bơdìh lơm mờ di jơnau đơs Dà lơgar lơh krơh lòt lài mờ ƀòn lơgar lơh jăt bal. Tơnơ̆ tŭ tơmŭt bal, tơrmù loh làng, digơlan khà anih tờm ală anih lơh broă Quôk hội dê, anih lơh broă gơ wèt Anih duh broă Lơh kơnòl broă sùm Quôk hội, ală vụ, mpồl lơh broă bơh Cơldŭ lơh broă Quôk hội dê rơ̆p gơmù rlau 30%.

Củ tịc Quôk hội ồng Trần Thanh Mẫn sồr ală cau ala măt tus bal dơ̆ pơrjum tơrgùm ai jơnau đơs loh làng tàm tơl tơnggume bơh jơnau rơcăng cih sră yal, jơnau yal, lơh sir jơnau yal dan mờ Đảng mpồl Quôk hội ai jơnau đơs nàng di tŭ yal mờ Ƀộ Cíñ trị di tơngai là lài mờ ngai 31/12/2024.