Mho mang ngai 22/12, tàm broă lơh broă tàm càr Lào Cai, Thủ tướng ồng Phạm Minh Chính mờ mpồl lơh broă neh lơh broă mờ Mpồl Lơh kơnòl broă sùm Tỉñ ủy càr Lào Cai, sền wơl broă lơh, cồng nha lam lơh jăt kơnòl broă bơtàu tơngguh lơh sa- mpồl bơtiàn nam 2024, mờ broă rơndăp lơh, kơnòl broă tàm tơngai tus.

Đơs pơndŭt dơ̆ lơh broă, Thủ tướng ồng Phạm Minh Chính sền bal ring bal mờ ală cau ala măt bè ală bơta pràn, tŭ niam, bơta ƀươn mờ ală broă lơh geh, cồng nha lơh geh bơh càr Lào Cai dê tàm nam 2024. Bè jơnau kơlôi, pơlam gùng tàm tơngai tus, Thủ tướng sồr pơn jăt tai kơlôi sơnơng jrô, geh broă rơndăp lơh, broă lơh lơh broă nàng lơh jăt ngan ngồn, lam lơh jăt wil tơl, geh cồng nha Jơnau lơh nền tàm pơrjum bơh Pơrjum dờng dơ̆ XIII Đảng dê, ală Jơnau lơh nền tàm pơrjum, Jơnau đơs pơndŭt, jơnau sồr bơh Dà lơgar, Ƀộ Cíñ trị, Ƀan Ƀí thư, Quôk hội, Cíñ phủ dê, tàm hơ̆ geh Jơnau lơh nền tàm pơrjum sồ 11 bơh Ƀộ Cíñ trị dê bè broă rơndăp lơh bơtàu tơngguh lơh sa- mpồl bơtiàn mờ sền gàr niam dà lơgar, lơngăp lơngai tàm tiah dòr bơnơm mờ tiah kơh bơnơm đah Tô dà lơgar mờ Jơnau lơh nền tàm pơrjum bơh Pơrjum dờng Đảng ƀộ càr dê; hòi jà, lơh jăt di jơnau sồr, gùng dà bơh Đảng dê, broă dong kờl, adăt boh lam bơh Dà lơgar dê, mờ bơta sồr lơh, đơng lam lơh broă bơh Cíñ phủ, Thủ tướng Cíñ phủ dê.