Thủ tướng pà gĭt, tus tŭ do bol he neh lơh geh jơh ală 15 broă jàu lơh sa- mpồl bơtiàn nam 2024, is ồn là gơguh lơh sa rlau 7%. Do là dùl cồng nha lơh geh bal bơh Dà lơgar dê, tàm hơ̆ geh bơta tă pơgồp kwơ màng bơh broă lơh cribơyai broă mờ lơgar ndai lơh sa.

Thủ tướng sồr, ală cau ala mat sền wơl ală bơta, kơlôi sơnơng ală broă lơh mờ khin cha đơs geh dùl bơta bơtàu tơnguh pràn nàng gơguh mhar tàm tơngai tus, mờ lơh bè lơi dŭi geh gơ̆p bơyô ală lơgar bơcri priă uă rlau tai tàm lơgar Việt Nam. Thủ tướng đơs sùm, bol he pal sền gĭt, ai bơta pràn đah tàm dơlam là bơta pràn tờm kwơ màng jŏ jòng, mơya bơta pràn đah bơdìh kung gam kwơ màng ngan, bơtàu tơnguh pràn; pal sơlơ tơnguh tai tàm jàu măi mok; pal bơtàu tơnguh pràn bè broă lơh sa drà kă bro; mờ tơrgùm bơto bơtê mpồl cau lơh broă jak, gơ hòi gơ jà cau jak chài, tam gơl pa bơceh lơh mờ pal atbồ bơta ngăc ngar.