VOV4.K’Ho- Nam bơsram 2024- 2025, geh pơgăp 8 rbô nă kơnòm bơsram jơh bơsram kâp bàr bơh càr Dăk Lăk dê rơ̆p bơsram tàm ală hìu bơsram kâp pe làng bol dê lơh is.

VOV4.K'Ho- Lơh sa- mpồl bơtiàn bơh càr Kon Tum dê tàm quý 1 do gam ai gŏ uă bơta ờ hềt di pal. Do là jơnau đơs tàm Pơrjum dơ̆ 15 Ƀan Cấp hàñ Đảng bộ càr Kon Tum khoă XVI geh lơh drim ngai 28/3.

VOV4.K'Ho- Pơn jat tai dơ̆ lòt lơh broă tàm càr Điện Biên, drim ngai 28/3, mò Truơng Thị Mai, Duh broă sùm Ƀan Ƀí thư, Kwang atbồ Mpồl rơndap broă dà lơgar, lơh broă mờ Mpồl lơh kơnòl broă sùm Tỉñ ủy càr Điện Biên.

VOV4.K’Ho- Tàm tiah Tây Nguyên, trồ prang, tơngai duh jŏ jòng lơh gơtìp prang, ờ tơl dà ală bơta phan tam in (tàm hơ̆ uă ngan là kơphe) tàm càr Lâm Đồng, lơh gơtìp uă dơ̆ ồs sa tài tàm càr Gia Lai. Tềng đăp mờ bơta do, gah lơh broă geh gơnoar tàm càr Lâm Đồng neh ngui dà bơh tàm ală tơnao dơng dà, tơnao dà dềt nàng sơrlèt mờ trồ prang ai phan tam in. Gam gơwèt mờ càr Gia Lai, gơnoar atbồ bal mờ gah lơh broă geh gơnoar kung neh di tŭ dong kờl làng bol ờ bơtoah geh bă suơn tam tào gơtìp ồs sa.

VOV4.K’Ho- Mho ngai 27/03, tàm Hìu lơh broă Củ tịc, Atbồ ing Củ tịc lơgar mò Võ Thị Ánh Xuân wă rò mò Carolyn Turk, Kwang atbồ Dà lơgar Ngân hàng Dunia tàm lơgar Việt Nam tus tơngăc.

VOV4.K'Ho - Mho ngai 27/3, tàm Hìu lơh broă Cíñ phủ, Thủ tướng Cíñ phủ ồng Phạm Minh Chính neh wă Ƀộ trưởng bơtàu tơnguh lơh sa, kă bro dunia mờ hòi jà tac phan tus lơgar Canada mò Mary Ng gam ơm còp, lơh broă tàm lơgar Việt Nam.

VOV4.K'Ho - Mho mang ngai 27/3, tàm Hìu lơh broă Quôk hội, Củ tịc Quôk hội ồng Vương Đình Huệ tìp mat Mpồl cau ala mat cau geh bồ tơngoh bơsram sră, cau kơ đơng yàng, cau jơi bơtiàn dồ êt nă cau geh pơn rơ jak ƀòn dờng Hà Nội.

VOV4.K’Ho- Mho ngai 27/03, mò Trương Thị Mai, Duh broă sùm Ƀan Ƀí thư, Kwang atbồ Mpồl rơndăp broă Dà lơgar bal mờ mpồl lơh broă bơh Dà lơgar neh tus còp, pà phan, tăp kơƀàng Hìu Tam klăc dờng ai bàr pe hìu bơnhă làng bol tàm ù tiah kơnhoàl Điện Biên, càr Điện Biên in mờ lòt sền broă lơh rcang ai dơ̆ tơngkah kir sơnrai 70 nam Tam lơh pha lin Điện Biên Phủ dê.

VOV4.K'Ho - Dăk Nông pa tòm 49 nam tơngklàs Gia Nghĩa, càr neh yŭ rơyùm bơyai lơh Tơngkah kir sơnrai 20 nam ngai crơng gơs wơl càr (2004- 2024). Dăk Nông – Jat dà kòn cau M’nông geh gơtha là “dà bơh plai nhồng”. Bơh ù tiah rƀah kal ke, Dăk Nông neh brồ guh pràn kơldang mờ tŭ do gam lơh ngan bơtàu tơnguh gơ gơs càr bơtàu tơnguh đau bơh tiah Tây Nguyên dê.

VOV4.K’Ho- Drim ngai 27/03, tàm Hìu lơh broă Quôk hội, Củ tịc Quôk hội ồng Vương Đình Huệ wă Thượng Nghị sỹ lơgar Mỹ mò Kirsten Gillibrand Củ tịc Mpồl ală bơta pơhìn pa geh, Ủy ƀan quân vụ Thượng viện lơgar Mỹ mờ ală kwang bàng tàm mpồl là ală Thượng Nghị sỹ, Hạ nghị sỹ, ală đảng cíñ trị, ală tiểu ƀang bơh lơgar Mỹ dê gam geh dơ̆ còp mờ lơh broă tàm lơgar Việt Nam.