Đơs tàm Pơrjum, Củ tịc lơgar ồng Lương Cường jờng rơ mờ chờ gờm ală cồng nha mờ Anih duh broă Đơng lam Đảng Ling klàng Dà lơgar, Ƀộ Ling klàng bal mờ kwang bàng, cau ling, cau lơh broă, viên cứk gùt ling klàng neh lơh geh tàm nam 2024.

Ring bal bè bơta tờm mờ ală gùng dà kơnòl broă lơh geh ai, Củ tịc lơgar sồr Anih duh broă Đơng lam Đảng Ling klàng Dà lơgar, Ƀộ Ling klàng pơn jăt tai lơh jăt nền nòn kơnòl broă, lơh jăt niam gơnoar broă pơlam Đảng, Dà lơgar in bè ling klàng, sền gàr dà lơgar; rơcang lài, gơjăt mhar, tơnguh uă bơta pràn kơlôi sơnơng, yal lài, geh gùng dà broă bơsong ndrờm bal, geh cồng nha ală bơta gơlik geh, bañ lời ờ thàn, ni sơna, gàr kơl jăp bơta ring lơngai, kơ̆ kơl jăp nàng bơ̆t bơtàu, bơtàu tơnguh dà lơgar. Củ tịc lơgar sồr gùt ling klàng lơh jăt, lơh jăt nền nòn gùng dà sền gàr dà lơgar bơh gùt làng bol, tam lơh làng bol, sền gàr Dà lơgar tàm bơta pa, ai bơh làng bol, ai “làng bol là tờm”; Mờ lơh jăt niam gùng dà pơgồp bal sền gàr dà lơgar mờ lơh sa, lơh sa mờ sền gàr dà lơgar; kơlôi sơnơng, lơh niam tiah geh ai di pal mờ bơta lơh niam mpồl Ling klàng dê tàm bơta pa.