Anih duh broă Làng bol càr Kon Tum sồr ală anih lơh broă, mpồl lơh broă, ală tiah jal mhar rơcang tơrmù rơndăp mpồl lơh broă jăt broă lơh gơmù niam, lơh geh cồng nha. Mùl màl càr Kon Tum geh sùm 5 sở, tàm hơ̆ geh: Sở Sền gàr Adăt boh lam; Sở Niam chài, Tàp pràn să jan mờ Lòt nhơl; Đah lùp sền gàr; Cơl dŭ lơh broă Anih duh broă làng bol càr mờ Sở broă bơdìh lơgar. Gơwèt mờ ală mpồl lơh broă do lơh jăt broă tơrgùm niam wơl mpồl lơh broă tàm dơlam bơh tơl sở gơmù ờ uă ngan 15%.

Càr Kon Tum lơh jăt broă tơrgùm bal Sở Rơndăp broă mờ Bơcri priă bal mờ Sở Priă jền kờp dŭ gơs Sở Lơh sa-Priă jền; tơrgùm bal wơl Sở Gùng lòt jun pơn diang bal mờ Sở Bơ̆t bơtàu kờp dŭ gơs Sở Bơ̆t bơtàu mờ Gùng lòt; tơrgùm bal Sở Phan geh is mờ Tiah kis bal mờ Sở Broă lơh sa mờ Bơtàu tơnguh ƀòn lơgar kờp dŭ gơs Sở Broă lơh sa mờ Tiah kis; tơrgùm bal wơl Sở Thông tin mờ Truyền thông bal mờ Sở Khoa họk mờ Kông nghệ kờp dŭ geh măt sơnđan pa là Sở Khoa họk, Kông nghệ mờ Truyền thông; tơrgùm bal wơl Sở Broă tàm dơlam dà lơgar mờ Sở Lơh broă, cau ling sồt să mờ Mpồl bơtiàn kờp dŭ geh măt sơnđan pa là Sở Kơnòl broă tàm dơlam is mờ Lơh broă. Mờ ală sở do kung pal gàr bơta tơmù ờ uă ngan 30% khà anih lơh broă tàm dơlam tơnơ̆ mờ tŭ geh tơrgùm bal wơl.