VOV4.K’Ho- Thủ tướng Cíñ phủ ồng Phạm Minh Chính pa đơng lam pơrjum mờ ală Ƀộ, Gah lơh broă dà lơgar, ală tiah, ală mpồl bè broă lơh jăt ală rơndăp broă lơh Gùng che 500 Kilovon gơl bơh càr Quảng Bình tus càr Hưng Yên.

VOV4.K’Ho- Trồ tơngai duh jŏ jòng lơh gĭt nđờ rhiang rbô lồ brê tàm càr Kon Tum kung gam pal kong mờ jơnau pơhìn ồs sa khăt tàm tŭ lơi. Ală mpồl cau tờm brê tàm càr Kon Tum gam pơn jăt tai tơrgùm jơh pràn rơcăng lài sơndră wơl ồs sa brê.

VOV4.K’Ho- Drim òr (02/04), neh geh bơyai lơh dơ̆ tơnkah 100 nam ngai bơt bơtàu mờ bơtàu tơnguh ƀòn dờng Nha Trang, càr Khánh Hòa. Phó Củ tịc Quôk hội ồng Trần Thanh Mẫn mờ Phó Thủ tướng Cíñ phủ ồng Trần Hồng Hà tus bal.

VOV4.K’Ho- Mho ngai 01/04, tàm Hìu duh broă Cíñ phủ dê, Thủ tướng Cíñ phủ ồng Phạm Minh Chính đơng lam pơrjum mờ ală Ƀộ, Gah lơh broă dà lơgar, ală tiah, anih lơh broă bè broă lơh jăt ală rơndăp broă lơh gùng che 500 Kilovon gùng che 3 gơl bơh Quảng Trạch (càr Quảng Bình) tus Phố Nối (càr Hưng Yên).

VOV4.K’Ho- Dờp jơnau jà bơh Dà lơgar Nhờk dê, mò Trương Thị Mai, Kwang bàng Ƀộ Cíñ trị, Duh broă sùm Ƀan Ƀí thư, Kwang ătbồ Mpồl Rơndăp broă Dà lơgar, Củ tịc Mpồl Nghị sĩ lơh bơyô bal Việt Nam mờ Nhờk, lam bồ Mpồl ala măt kwang bàng kâp dờng Đảng he còp mờ lơh broă tàm lơgar Nhờk bơh ngai 31/03 tus ngai 03/04/2024.

VOV4.K’Ho- Lam lơh tơrlòng lài broă lơh “Ci ƀộ 4 niam” neh lơh gơlik geh nùs nhơm tàm pơrlòng duh hồl tàm ală Đảng ƀộ tàm càr Dăk Lăk. Uă broă lơh bơceh lơh, dipal mờ bơta geh ngan đòm jăt lơh gơlik geh bơta tam gơl pràn kơldang tàm tơnguh uă pràn jak đơng lam, pràn tam lơh bơh mpồl Đảng dê mờ cồng nha mpồl kwang bàng, đảng viên dê, lơh geh jơnau kờñ kơnòl broă tàm bơta pa.

VOV4.K’Ho- Di Satềp Chol Chnam Thmay nam 2024 bơh làng bol kòn cau Khmer dê, Thủ tướng Cíñ phủ ồng Phạm Minh Chính neh Pơyoa sră chờ gờm tus làng bol, oh mi bal mờ ală cau kơ đơng yàng kòn cau Khmer.

VOV4.K’Ho- Drim òr (01/04), bơh bơta đơng lam bơh Củ tịc Quôk hội ồng Vương Đình Huệ, Ủy ƀan Thường vụ Quôk hội bơyai lơh Pơrjum mìng dùl tơngume adat boh lam.

VOV4.K'Ho- Drim òr (31/03), Thủ tướng Cíñ phủ ồng Phạm Minh Chính tus bal Pơrjum tơn jơh Kơrnuat sồ 178 bơh Thủ tướng Cíñ phủ dê bè bơtàu tơnguh bal bồt Phú Quốc, càr Kiên Giang tus nam 2010 mờ broă wèt sền tus nam 2020.

VOV4.K'Ho- Tổng Kông ty Tân cảng Sài Gòn pa pơgồp bal mờ Ƀan Tuyên giáo Tỉñ ủy 3 càr: Kon Tum, Gia Lai mờ Dăk Nông bơyai lơh Pơrjum sền wơl broă lơh pơgồp bal mblàng yal bè dà lềng, bồt bơlào.