Đơs tàm dơ̆ đơng lam tàm Pơrjum, Củ tịc Quốk hội ồng Trần Thanh Mẫn dờp mờ jờng rơ broă lơh bơh Cơl dŭ lơh broă Quốk hội, ală anih lơh broă, mpồl lơh broă neh geh uă broă lơh, lơh ngan, bơsong geh khà dờng broă lơh mờ cồng nha niam rơlao.

Đơs tờm nam 2025 là nam geh bơyai lơh Pơrjum dờng Đảng ƀộ ală kấp, wèt tus Pơrjum dờng cau ala măt gùt lơgar dơ̆ 14 bơh Đảng dê; rơcang ai dơ̆ tĕ khà cau ala măt Quốk hội Khoă 16 mờ tĕ khà cau ala măt Mpồl duh broă Làng bol ală kấp tơngai lơh broă bơh nam 2026 tus nam 2031; do là nam geh bơyai lơh ală broă lơh cíñ trị kwơ màng bè tơnkah 95 nam ngai crơng gơs Đảng, 135 nam ngai deh Củ tịc Hồ Chí Minh, 50 nam ngai tơnklàs jơh đah jum, dà lơgar tơrgùm bal, 80 nam ngai crơng gơs dà lơgar, rơcang tơnkah 80 nam ngai Tĕ khà sơnrờp ngan pồ Quốk hội lơgar Việt Nam, Củ tịc Quốk hội ồng Trần Thanh Mẫn sồr Cơl dŭ lơh broă Quốk hội, Đảng ủy anih lơh broă bal mờ Kông đoàn pơn jăt tai đờm jăt nùs nhơm geh kơnòl, tam klăc bal, bơceh lơh nàng lơh gơs jăk kơnòl broă geh jào