Đơs tàm pơrjum, Phó Ƀí thư Duh broă sùm Anih duh broă Đảng Mpồl ală anih lơh broă Dà lơgar ồng Lại Xuân Lâm pà gĭt, nam 2025 là nam geh lơh uă broă kwơmàng bơh dà lơgar dê, den tàng bè hơ̆ tàm ală ngai bồ nam pa 2025 tơn, ală anih duh broă đảng gơ wèt bal pal tơrgùm jơh nùs jơh tồr, jơh bồ tơngoh jak, bal mờ nùs nhơm kràñ cê jơh nùs ngan rlau jơh, duh hồl tơryăng tơryồng ngan rlau jơh tàm lam lơh jăt ală kơnòl broă cíñ trị; gàr niam lơh jăt broă lơh ờs mờng geh lơh sùm, gơlòt sùm, ờ gŏ di tài rơndăp tăp sèng tơrmù mpồl lơh broă mờ lời gơkòl kơnòl broă cíñ trị.

Is ồn, pơn jăt tai kơlôi sơnơng, rơcăng lài tă pơgồp jơnau đơs bơ̆t bơtàu, tơrmù anih lơh broă, mpồl lơh broă jăt jơnau sồr bơh Dà lơgar dê mờ Tổng Ƀí thư dê bal mờ nùs nhơm “ntoăt ndang, săp sèng ndang”; tàm hơ̆ sền dờng màng dan bè rơndăp mpồl lơh broă, cau lơh broă sa priă nhai dà lơgar, khà kwang bàng lơh kơnòl broă sùm bơh kâp ủy ală kâp dê, gàr niam ală bơta dong kờl gùng dà broă lơh geh gơrềng. Bơh hơ̆, nàng kờñ pơgồp bơnah lơh jăt geh cồng nha tam gơl bơta yau gơgơs bơta pa bè tơrmù mpồl lơh broă, lơh geh broă, lơh gơtùi, geh cồng nha.