Tàm dơ̆ wă, Thủ tướng Cíñ phủ ồng Phạm Minh Chính đơs nền, Việt Nam sùm sền dờng màng mờ lời bơta ai lài uă ngan rlau jơh ai bơta gĭt gơ̆p dờng ngan đah Việt Nam mờ Lào in. Gĭt gơ̆p cíñ trị ngai sơlơ tam klăc đềt mềr mờ pin dờn uă. Ală broă lơh broă bal tờm kwơmàng ndai bè sền gàr dà lơgar, lơngăp lơngai, lơh sa, niam chài, bơto bơtê mờ lơh broă bal đah ală tiah 2 lơgar dê ndrờm geh sền gròi chồl tơngguh mờ geh bơta bơtàu tơngguh pa.

Bàr gah dồ nùs ring bal jơh nùs pơgồp bal, rơcăng niam ngan rlau jơh Dơ̆ pơrjum 47 Anih duh broă ală Cíñ phủ 2 lơgar in, jơh nùs lơh ngan lơh geh cồng nha dờng rlau tai tàm nam 2025. Bàr gah is ồn sền gròi mờ dồ nùs ring bal pơn jăt tai lơh gơlik geh bơta tam gơl pràn tàm lơh broă bal lơh sa, kă bro phan- bơcri priă. Phó Thủ tướng lơgar Lào đơs nền rơ̆p pơn jăt tai hòi jà ală ƀộ, gah broă lơh tam gơl wơl tiah bơcri priă, ai tơl bơta ƀươn ƀoài rlau tai ai ală mpồl lơh sa kă bro lơgar ndai in, tàm hơ̆ geh mpồl lơh sa kă bro lơgar Việt Nam in bơcri priă, kă bro tàm lơgar Lào.