VOV4.K’Ho- Cih kah sùm jơnau Wa Hồ bơto sồr, uă ơruh pơnu lam lài lài do tàm càr Dăk Lăk neh pơn đơl pràn lơh ngan sơr lèt gan kal ke nàng bơtàu tơnguh lơh sa, lơh pas di pal. Khi kung là ală cau jơh nùs ngan tus bal ală broă lơh tài nùs nhơm cau ling bal, dong kờl ală cau geh rài kis kal ke geh ală bơta nàng brồ guh.

VOV4.K'Ho- Drim do (24/06), Thủ tướng Cíñ phủ ồng Phạm Minh Chính bal mờ mpồl kwang đơng lam bồ kâp dờng Việt Nam lòt gùng tus bal Pơrjum WEF (Cribơyai lơh sa dunia) tàm ƀòn dờng Đại Liên, lơgar Lo bơh ngai 25 tus ngai 27 nhai 06 nam2024.

VOV4.K'Ho- Drim òr (23/06), tàm ƀòn dờng Dà Làc, Phó Thủ tướng Cíñ phủ ồng Trần Lưu Quang tus bal Pơrjum yal rơndap ù tiah càr Lâm Đồng tơngai bơh nam 2021 tus nam 2030, broă rơndap lơh tus nam 2050.

VOV4.K’Ho- Ngai do (24/06), Quôk hội mut tàm poh lơh broă lồi dŭt bơh pơrjum dơ̆ 07 dê. Ƀùi drim, Quôk hội pờ tê ring bal Adat rơndăp broă Anih cah rơña làng bol (tam gơl); tơnơ̆ hơ̆ cribơyai tàm mpồl bè Rơndăp broă lơh Adat rcang lài kơryan kă bro kòn bơnus (tam gơl).

VOV4.K'Ho- Mờ jơnau lơh nền ờ lời kơnòm pơrlòng lơi tài rài kis hìu bơnhă kal ke mờ ờ gơtùi tus bal pơrlòng jơh bơsram kâp 3, gơnoar atbồ 10 kơnhoàl, ƀòn dờng bal mờ gah bơto bơtê mờ bơsram càr Kon Tum neh tă kes priă mờ hòi jà tă pơgồp geh mờr 580 tơlak đông.

VOV4.K’ Ho- Gùng rơndeh ntoăt mhar Khánh Hoà – Buôn Ma Thuột là gùng rơndhe ntoăt mhar sơnrờp ngan geh lơh tàm Tây Nguyên tơrbŏ đah brê bơnơm mờ dà lềng. Nàng rơndăp broă lơh do geh lơh gơs di mờ tơngai geh ai, ală kấp ủy đảng, gơnoar atbồ ală tiah tàm càr Dăk Lăk neh tus bal pràn kơl dang ngan, mblàng yal lam sồr, ai geh nùs nhơm ring bal uă tàm ală làng bol.

VOV4.K’Ho- Mho òr (21/06), Phó Thủ tướng Cíñ phủ ồng Lê Thành Long neh đơng lam dơ̆ pơrjum mờ kwang đơng lam ală Ƀộ, gah lơh broă dà lơgar gơrềng bal bè broă bơyai lơh pơrlòng jơh bơsram kấp 3 nam 2024.

VOV4.K'Ho - Tơngkah kir sơnrai 99 nam Ngai sră ƀău kac màng Việt Nam, mang ngai 21/6, tàm Hìu niam chài Lơh broă lơh bơyô bal Việt Xô, Củ tịc lơgar ồng Tô Lâm tus bal, đơs mờ jàu khà jờng tàm dơ̆ Jàu khà jờng sră ƀău dà lơgar dơ̆ 18.

VOV4.K'Ho - Ngai òr (21/06), tàm Hìu lơh broă Đảng Dà lơgar, Mpồl đơng lam Đảng Dà lơgar khoă XIII neh pơrjum sền wơl, pơgồp jơnau đơs bè broă kwang bàng.

VOV4.K’Ho- Mho òr (21/06), Thủ tướng Cíñ phủ ồng Phạm Minh Chính neh wă Đoàn Điều IV, Kes priă Priă jền ală lơgar (IMF) geh ồng Paulo Medas lam bồ gam còp mờ lơh broă tàm lơgar Việt Nam.