VOV4.K’Ho- Mho òr (25/06), tàm ƀòn dờng Đại Liên, càr Liêu Ninh, lơgar Lo, Thủ tướng Cíñ phủ ồng Phạm Minh Chính neh geh dơ̆ cri bơyai mờ Thủ tướng lơgar Lo ồng Lý Cường di tàm dơ̆ tus Pơrjum bè ờs pah nam ală cau lam lài dơ̆ 15 bơh Pơrjum cri bơyai Lơh sa dunia bơyai lơh tàm ƀòn dờng Đại Liên (Pơrjum WEF Đại Liên) mờ lơh broă tàm lơgar Lo.

VOV4.K’Ho- Mho ngai 24/06, tàm Hìu duh broă Củ tịc, Củ tịc lơgar ồng Tô Lâm neh wă Kwang ătbồ Anih lơh broă ala măt lơgar Cuba tàm Việt Nam bal mờ mpồl kwang bàng Anih lơh broă ala măt lơgar Cuba tus còp să.

VOV4.K’Ho- Mho ngai 24/06, Kwang bàng Ƀộ Cíñ trị, Kwang ătbồ Ƀan Tuyên giáo Dà lơgar ồng Nguyễn Trọng Nghĩa lam bồ mpồl lơh broă bơh Ƀan Tuyên giáo Dà lơgar dê neh geh dơ̆ lơh broă mờ Gah đơng lam Mpồl ling Sền gàr tiah nhàr lơgar càr Dăk Lăk.

VOV4.K’Ho- Mho ngai 24/06, tàm ƀòn dờng Đại Liên, tàm broă lơh dơ̆ lòt lơh broă tàm lơgar Lo, Thủ tướng Cíñ phủ ồng Phạm Minh Chính neh wă ồng Tôn Vinh Khôn, Kwang ătbồ Mpồl duh broă ătbồ Kông ty Làng bol dê lơh is Bồ măy mờ cơldŭ rơndeh ồs Đại Liên mờ ồng Vương Tiểu Quân, Phó Kwang ătbồ Tập đoàn Bơ̆t bơtàu Ồs đèng lơgar Lo (PowerChina).

VOV4.K’Ho- Thủ tướng Cíñ phủ ồng Phạm Minh Chính pa lòt sền, sồr ngan lơh rơndăp broă lơh gùng che ồs đèng 500 kV che 3 Quảng Trạch - Phố Nối gơl lòt gan càr Nghệ An.

VOV4.K’Ho- Tàm ƀòn dờng Dà Làc, càr Lâm Đồng, Phó Thủ tướng ồng Trần Lưu Quang tus bal, đơng lam pơrjum mpồl duh broă pơgồp bal đơng lam tiah Tây Nguyên dơ̆ 3.

VOV4.K'Ho- Drim òr (24/06), cribơyai tàm hìu pơrjum bè Rơndap lơh Adat rơcang lài kơryan tac bro kòn bơnus (tam gơl), uă kwang bàng Quôk hội ring bal mờ bơta pal geh tam gơl tơl làm Adat rơcang lài kơryan tac bro kòn bơnus, mờ kung sồr bơ tơl broă lơh pa là tac bro kòn gam bun tàm ndul mut tàm bơta tam gơl bơh Rơndap lơh adat do dê.

VOV4.K'Ho- Ngai òr (24/06), ồng Nguyễn Trọng Nghĩa, Kwang geh jơng tàm Ƀộ Cíñ trị, Ƀí thư Đảng dà lơgar, Kwang atbồ Ƀan Tuyên giáo dà lơgar neh đơng lam Pơrjum yal cồng nha sền sơ wì broă lơh sền gàr cíñ trị tàm dơlam is gơ wèt mờ Ƀan Lơh kơnòl broă sùm Tỉñ ủy càr Dăk Lăk.

VOV4.K’Ho- Drim òr (24/06), tàm Anih kah kơlôi mờ Rùp tam lơh pha lin Đăk Pơ, xã An Thành, kơnhoàl Đăk Pơ, Tỉñ ủy, Hội đồng Ñân zân, Ủy ƀan Ñân zân, Ủy ƀan Mặt trận Dà lơgar Việt Nam càr Gia Lai yŭ rơyùm bơyai lơh dơ̆ tơngkah kir sơnrai 70 nam tam lơh pha lin Đăk Pơ.

VOV4.K’Ho- Cih kah sùm jơnau Wa Hồ bơto sồr, uă ơruh pơnu lam lài lài do tàm càr Dăk Lăk neh pơn đơl pràn lơh ngan sơr lèt gan kal ke nàng bơtàu tơnguh lơh sa, lơh pas di pal. Khi kung là ală cau jơh nùs ngan tus bal ală broă lơh tài nùs nhơm cau ling bal, dong kờl ală cau geh rài kis kal ke geh ală bơta nàng brồ guh.