Củ tịc lơgar ồng Lương Cường đơs sùm dơ̆ lòt còp bơh Ƀộ trưởng  ồng Robert Dussey mờ Mpồl ala mat lơgar Togo geh gơtha kwơ màng, pơgồp bơnah sơlơ tơnguh rlau tai bơta gĭt gơ̆p lơh bơyô bal mờ lơh broă bal uă bơta đah 2 lơgar dê, ngan là tàm tơngai Việt Nam mờ Togo gam wèt tus tơngkah kir sơn rai 50 nam ngai lơh geh bơta gĭt gơ̆p cribơyai broă mờ lơgar ndai (08/02/1975 - 08/02/2025).

Bè lơh broă bal gah broă lơh sa suơn sre, mờ mờng chài lam lơh uă rơndăp broă lơh lơh broă bal gah broă lơh sa suơn sre 3 gah geh cồng nha tàm câu Phi, tàm hơ̆ geh Togo mờ tàm gơnoar broă là dùl tàm ală lơgar tăc mờ lơgar ndai phan lơh geh bơh broă lơh sa suơn sre lam lài dunia, Củ tịc lơgar pà gĭt, Việt Nam crăp rcang pơgồp bal lam lơh ală rơndăp broă lơh lơh broă bal bè tam pà mờng chài, tàm jàu măi mok, ai pà cau gĭt wă jrô broă lơh tàm gah broă lơh sa suơn sre.