Tàm ală tŭ lòt lùp sền rơndăp broă lơh do, mpồl lơh broă bơh Anih lơh broă Lơh broă bal ală lơgar Hàn Quốc dê hòi lơyah là KOICA neh geh dơ̆ lơh broă mờ Anih duh broă Làng bol ƀòn drà dờng Buôn Hồ, càr Dăk Lăk mho ngai 08/01. Ồng Jung Jaewo, Phó Kwang Lam bồ dà lơgar, Cơldŭ lơh broă KOICA Việt Nam dê pà gĭt, do là dùl rơndăp broă lơh neh geh Cíñ phủ lơgar Hàn Quốc sền swì ring bal, geh tơngai lơh jăt bơh nam 2025- 2029. Ală phan lơh niam wơl dà tuh bơdìh mờr geh lơh tàm ƀòn drà dờng Buôn Hồ, càr Dăk Lăk dê, geh dồ Anih lơh niam wơl dà tuh bơdìh tơrgùm bal pràn lơh broă pơgăp 1 rbô 500 khối dồ ngai mang mờ ală broă bơ̆t bơtàu dong kờl ndai, ală gơl gùng ding tàm tơrbŏ, khòm tơrgùm kờp jơh jòng mờr 70 kơi sồ.

Jơnau kờñ tus nam 2032 rơ̆p geh pơgăp 2 rbô 900 hìu geh tàm tơrbŏ, pơgồp bơnah tơrmù ƀà ală gơrềng ờ niam gơ wèt mờ pràn kơldang làng bol dê mờ tơrmù ƀà ƀơ̆ ƀơl tiah ơm kis tài dà tuh bơdìh ờ geh khòm tơrgùm mờ lơh niam wơl tŭ tuh tus tiah ơm kis.