Nam 2025, càr Dăk Lăk ai bơtàu tơngguh ală jơnau yal tơnggĭt sồ lơh broă tờm kwơmàng tàm ală tŭ tam gơl sồ tàm tiah do. Nàng lơh jăt jơnau jơh nùs lơh ngan do, Anih duh broă Làng bol càr Dăk Lăk neh ai lơh jăt Jơnau lơh nền sền swì ring bal Ală jơnau neh lơh nền “Tam gơl sồ càr Dăk Lăk- Ai bơtàu tơngguh ală jơnau yal tơnggĭt sồ lơh broă tờm kwơmàng- nam 2025”.

Jơnau kờñ tơrgùm bal bơh Ală jơnau neh lơh nền do dê là ai bơtàu tơngguh ală jơnau yal tơnggĭt sồ lơh broă tờm kwơmàng bơh tam gơl sồ dê; lơh broă lơh lài, ai tơl bơta gơguh lơh sa sồ, lơh gơnoar broă tờm kwơmàng tàm broă ai tơl bơta tam gơl sồ bơh càr dê tàm nam 2025 mờ tŭ tơngai mờr tus. Bal mờ hơ̆, Dăk Lăk lơh pràn broă lơh mblàng yal, pơlam tàp lơh mờ yờ tơngguh bơta gĭt wă bơh kwang bàng, kông cưk, viên cưk dê bè gơnoar broă mờ bơta kwơ bơh jơnau yal tơnggĭt sồ dê tàm tam gơl sồ.