Thủ tướng ồng Phạm Minh Chính đơs sùm tàm tŭ tơngai tìp uă kal ke, bơta lòng, mơya kơnờm bơsram kơlôi sơnơng jrô jơnau sồr bơh bàr Ƀộ Cíñ trị dê, bal mờ bơta lơh ngan, jơh nùs lơh ngan uă ngan bơh Dà lơgar, Cíñ phủ, ală ƀộ, mpồl, gah, ƀòn lơgar dê, bàr lơgar neh lam lơh jăt niam, geh cồng nha ală Jơnau ring bal Kâp dờng, cèng wơl uă cồng nha lơh geh tàm lơh broă bal đah 2 lơgar, pơgồp bơnah bal mờ gơ̆p bơ̆t bơtàu rài lơh sa lơngăp lơngai is, rơcăng lài is, mŭt gơrờm bal jrô ơnàng làm uă, ngan ngồn, geh cồng nha, uă cồng nha lơh geh pơnrơ ngan pal cih dờp.

Đơs pơndŭt tàm dơ̆ pơrjum, Bàr gah pin dờn đơs là, cồng nha lơh geh bơh dơ̆ pơrjum dê rơ̆p lơh gơlik bơta gơn kơnờm pa dong gĭt gơ̆p lơh broă bal đah 2 lơgar ngai sơlơ bơtàu tơngguh, gơlòt mŭt ngan ngồn tàm uă broă, ngan ngồn, geh cồng nha, pơgồp bơnah sùm lơh kơ̆ kơl jăp bơta gĭt gơ̆p lơh bơyô bal dờng ơnàng, tam klăc bal is ồn mờ lơh broă bal tơl làm đah Việt Nam mờ Lào tàm tơngai tus.