Tổng Ƀí thư ồng Tô Lâm pà gĭt, nam 2024, jơh 15 broă jàu tờm bơtàu tơngguh lơh sa- mpồl bơtiàn bơh lơgar he dê ndrờm lơh geh mờ sơrlèt broă rơndăp lơh; tàm hơ̆ GDP gơguh rlau 7%, priă geh bơh rài lơh sa geh mờr 500 tơmàn dolar Mỹ, rề kes priă dà lơgar dê geh mờr 2 tơlak tơmàn đong. Tàm broă lơh geh bal bơh dà lơgar dê, geh ală tă pơgồp kwơmàng ngan gĭt lơh bơh mpồl Kwang àng làng bol dê, ală oh mi lài do là kwang đơng lam bồ Đảng, Dà lơgar, lài do là Kwang đơng lam bồ Ƀộ Kwang àng, kwang bàng Kwang àng kâp dờng neh rê rlô lơh broă.

Tổng Ƀí thư ồng Tô Lâm đơs sùm, nam Ất Tỵ 2025 geh gơtha is ồn kwơmàng, rlau mờ tŭ lơi jiơ, mpồl Kwang àng làng bol pal pơn jăt tai lơh krơh tàm lơh jăt ală gùng dà bơh Đảng dê, kơ̆p kờñ ală oh mi lài do là kwang đơng lam bồ, kwang bàng Kwang àng bơh ală rài pơn jăt tai tơnggŏ gơnoar broă, là krơh àng tàm tiah ơm kis, tơrgùm bal pràn dồ nùs bal, lơh jăt uă ngan jơh tơl bơta pràn nàng bơ̆t bơtàu, bơtàu tơngguh mờ sền gàr Dà lơgar.