Đơs tàm pơrjum, Thủ tướng ồng Phạm Minh Chính đơs sùm, gĭt gơ̆p đah Việt Nam mờ Lào là gĭt gơ̆p is ồn mờ geh bơta mùl gŏ krơi is, tài bè hơ̆ pal geh broă lơh broă bal mờ gơ̆p dồ bă is ồn, bơh plai nùs tus plai nùs, pal geh kơnòl mờ kơnòl pal lơh bal mờ gơ̆p. Mờ jơnau đơs “dong bơyô là dong he”, Thủ tướng hòi jà mpồl lơh sa kă bro 2 lơgar dê tam klăc ring bal, dong kờl bal nàng gơguh jak bal.

Bè đah he, Thủ tướng lơgar Lào ồng Sonexay Siphandone pà gĭt, tơngai tus 2 gah rơ̆p pơn jăt tai tă bơsong ală gơkòl mờ lam lơh ală rơndăp broă lơh gùng ù gờl, gùng rơndeh ồs, anih ơhò ơm Vũng Áng, bơtàu tơngguh ală rơndăp broă lơh tăc phan bơna lơh geh bơh sươn sre. Thủ tướng Lào kơ̆p kờñ mpồl lơh sa kă bro 2 lơgar dê pơn jăt tai bơcri priă lơh sa kă bro tàm Lào mờ Việt Nam, ngui geh bơta ƀươn bơta pràn bơh 2 gah dê nàng cèng wơl gơboh gơbài, hờm ram ai làng bol tơl lơgar in.