Tàm nùs nhơm rơcăng wă rò sơnam pa 2025 mờ wèt tus Tơngkah kir sơnrai 95 nam ngai tơnggơs Đảng Kộng sản Việt Nam, ngai 29/12, Tổng Ƀí thư ồng Tô Lâm bal mờ Mpồl lơh broă Dà lơgar dê neh tus pơdơng bơkàu, chu ñàng kah kơlôi Củ tịc Hồ Chí Minh tàm Hìu duh khuai Chung Sơn- Hìu duh khuai mò pàng Wa Hồ dê tàm Tiah Tềl lời wơl dà lơgar is ồn Kim Liên, kơnhoàl Nam Đàn, càr Nghệ An.

Tổng Ƀí thư ồng Tô Lâm tơlik nùs nhơm gĭt ưn ngài uă ngan mờ ki ngàm ngan gơ wèt mờ Củ tịc Hồ Chí Minh, kwang đơng lam bồ pơnrơ dờng ngan bơh Đảng mờ Làng bol he dê, cau khin cha jak chài dong klàs jơi bơtiàn. Cau neh tă pơgồp dà kơlhề, ơn pơdơng jơh dồ rài kis ai broă lơh dong klàs jơi bơtiàn, tam dră ai ring lơngai, chờ hờp chờ hờn bơh jơi bơtiàn Việt Nam mờ làng bol dunia dê in. Pơn jăt hơ̆, Tổng Ƀí thư ồng Tô Lâm neh tus Hìu duh khuai Mò pàng Củ tịc Hồ Chí Minh dê, jơh nùs ki ngàm pơdơng bơkàu, kah kơlôi tơlik nùs gĭt ưn ngài uă ngan gơ wèt mờ Củ tịc Hồ Chí Minh mờ ală cau đềt mềr kờñ gơboh tàm hìu bơnhă Ồng dê.