Kơnhoàl Đức Cơ neh lơh geh mpồl sồr lơh bơto nàng git sră tàm ală xã, tam pà kơnòl ai ală cau tàm mpồl in tus bal tơl xã mùl màl; bơyai lơh sền, lùp nàng git, dong kờl ală xã gam uă kal ke.

Rơlao 3 nhai do, pah mang, ơdŭ bơto sră tàm Hìu bơsram kấp 1 Trần Phú, xã Ia Dom, kơnhoàl Đức Cơ àng ồs đèng mờ mpong săp cau sền akhar bơsram. Ơdŭ bơsram geh mờr 40 nă cau tàm mpồl là cau jơi bơtiàn ờ gal cau tus bơh ală ƀòn tàm xã Ia Dom, kơnhoàl tiah nhàr lơgar Đức Cơ. Tàm tơngai bơh nam 2021 tus 2025, lơh jăt Broă lơh jơnau kờñ dà lơgar bơtàu tơnguh lơh sa mpồl bơtiàn tiah làng bol jơi bơtiàn ờ gal cau mờ tiah kơh bơnơm càr Gia Lai ai geh jơnau kờñ pờ geh 735 ơdŭ bơto sră tàm ală kơnhoàl, ƀòn drà dờng, ƀòn dờng ai rơlao 23 rơbô nă cau in mờ kờp jơh khà priă tă lơh tus 47 tơmàn đong.