Đơs tàm dơ̆ lơh broă, Củ tịc lơgar ồng Lương Cường tơlik nùs nhơm chờ hờp tus còp kwang bàng, cau ling tàm Ling mpồl 12, Ling mpồl geh bơyai lơh jăt broă lơh “ngăc ngar, niam, pràn” sơnrờp ngan bơh Ling klàng làng bol Việt Nam dê.

Ala măt kwang đơng lam bồ Đảng, Dà lơgar, Củ tịc lơgar ồng Lương Cường dờp, đơs niam, jờng rơ ală cồng nha neh lơh geh jăk chài ngan mờ kwang bàng, cau ling tàm Ling mpồl 12 neh lơh geh tàm tơngai do. Củ tịc lơgar sồr Ling mpồl 12 pal tơrgùm đơng lam, sồr lơh jăt geh cồng nha ală jơnau kờñ, kơnòl broă Pơrjum dờng Đảng gùt lơgar dơ̆ XIII, Jơnau lơh nền tàm Pơrjum dờng Đảng ƀộ Ling klàng dơ̆ XI neh ai. Ling mpồl pal pơn jăt tai lơh jăk broă pơgồp bal mờ kấp ủy, gơnoar atbồ, làng bol ală tiah tàm tiah lơh pôs ling, bơ̆t bơtàu “anih tam lơh nùs nhơm làng bol”, tiah rơcang tam dră kơl jăp.