Pơrjum dờng là broă lơh cíñ trị dờng bơh cau kơnòm să, ngai chờ tam klăc làm uă ală mpồl ơruh pơnu lơgar Việt Nam kờñ gơboh dà lơgar dê, ai tơngŏ bơta bơtàu tơnguh pa bơh Mpồl mờ srơh ơruh pơnu dê.

Mờ jơnau đơs lơh broă: “Ơruh pơnu lơgar Việt Nam kờñ gơboh dà lơgar – Kơ̆p kờñ ngan – Tam klăc – Lam lài – Bơceh lơh – Pin dờn mŭt tàm rài pa”, Pơrjum dờng Mpồl tam klăc ơruh pơnu lơgar Việt Nam dơ̆ 9 tơrgùm lơh ală mpồl kơnòl broă, broă lơh tàm broă lam lơh jăt srơh “Añ gơboh Dà lơgar añ” mờ broă lơh “Bơ̆t bơtàu mpồl Tam klăc ơruh pơnu lơgar Việt Nam pràn kơl dang”. Tàm ngai òr (17/12), Pơrjum dờng neh pồ geh 135 nă bi, lŏ tus bal tàm Anih duh broă Mpồl tam klăc ơruh pơnu Dà lơgar Việt Nam khoă 9; pồ 8 nă bi, lŏ tus bal Anih duh broă Sền swì Mpồl khoă 9. Ală cau ala măt kung neh tus bal 6 mpồl cri bơyai bè ală tơngu me, jơnau dan ală broă lơh bơh ơruh pơnu dê tàm tơngai tus.