Nam 2024, lơh tềl bơta tam gơl uă ngan bè lơh sa mờ măi mok niam chài bơh broă lơh dong kờl tus lơh geh ngan ngồn. Lơh sa mờ măi mok niam chài gam gơ gơs gùng dà mờ geh sền gĭt là bơnah kwơ màng, tă pơgồp tàm bơta gơguh lơh sa bơh Dà lơgar dê. Tàp pràn să jan lơgar Việt Nam neh lơh geh rlau 1 rơbô 200 nơm gai lòng ală lơgar. Gah Lòt  nhơl wă rò rlau 17 tơlak 500 rơbô dơ̆ năc ală lơgar, mờ kờp jơh priă lơh geh pơgăp 840 rơbô tơmàn đong.

Đơs sồr lơh tàm pơrjum, Thủ tướng Cíñ phủ ồng Phạm Minh Chính đơs sùm pal mut gơ rờm bal mờ ală lơgar broă niam chài cèng bềng bơhiàn niam chài jơi bơtiàn bơh lơgar he dê tus mờ gơ̆p bơyô ală lơgar bơh ală broă lơh niam chài, tàp pràn să jan mờ lòt nhơl. Mut gơrờm bal mờ ală lơgar mờ Việt Nam là 2 broă kwơ màng ngan, gơnoar broă gah lơh broă Niam chài, Tàp pràn să jan, Lòt nhơl pal lơh mờ là mpồl lam lài, rcang lài tàm broă lơh do dê.