Mờ nùs nhơm “Ơruh pơnu Việt Nam, kờñ gơboh Dà lơgar-kơ̆p kờñ- tam klăc- lam lài- bơceh lơh, pin dờn mut tàm rài pa”, pơrjum dờng geh kơnòl broă sền wơl cồng nha lơh broă Mpồl mờ srơh ơruh pơnu dê tơngai lơh broă bơh nam 2019 - 2024, bơt bơtàu jơnau kờñ, sền gĭt kơnòl broă, broă lơh lơh broă Mpồl mờ srơh Ơruh pơnu tơngai lơh broă bơh nam  2024 – 2029.

Đơs sồr lơh tàm Pơrjum dờng, Tổng Ƀí thư ồng Tô Lâm đơs nền, tàm ală tơngai kăc màng, Đảng he dê is ồn sền gròi, gròi sền uă ngan broă lơh ơruh pơnu. Tổng Ƀí thư sồr, pal ring bal bơta gĭt wă bè gơnoar bơh ơruh pơnu dê mờ bơta kwơ màng is ồn bơh broă lơh ơruh pơnu tàm tơngai kăc màng pa bơh Đảng, bơh jơi bơtiàn dê. Tổng Ƀí thư sồr tam gơl pa pràn kơl dang broă lơh Mpồl, Đoàn; bơt bơtàu mpồl kwang bàng Mpồl, Đoàn kơ̆ kơl jăp, pràn kơl dang; sền gĭt loh kơnòl, kơnòl broă bơh Mpồl, ală mpồl ơruh pơnu mpồl cau bal bơh Mpồl, Đoàn ơruh pơnu Kộng sản Hồ Chí Minh dê tàm broă bơto bơtê nùs nhơm kăc màng, rcang lài kơryan ờ niam nùs nhơm, rài kis tàm ơruh pơnu, kơnòm bơsram mờ cau bơsram dờng.