Jat jơnau yal, tus tŭ do, Ƀộ Broă dơlam is neh lơh sir jơnau yal tơn jơh Jơnau lơh nền tàm pơrjum sồ 18; Ală jơnau neh lơh nền tơmut bal, tơrgùm dùl, ntrờn gơnoar broă, kơnòl broă, mpồl kwang bàng mờ ală sră nggal geh gơrềng, bal mờ ală Jơnau neh lơh nền tơn jơh broă lơh Mpồl đơng lam đảng, tơnggơs Đảng ƀộ Cíñ phủ, Đảng ƀộ ƀộ, anih lơh broă ndrờm mờ ƀộ, ală nih lơh broă gơwèt Dà lơgar. Ală mpồl lơh broă tơnơ̆ tŭ rơndăp tăp sèng, tơrgùm dùl gơmù bơh 35 tus 40% pơndrờm mờ bơh sơnrờp; ală mpồl cau gam wơl rơndăp tăp sèng tàm dơlam den tơrmù uă ngan rlau lơh 15%. Sền  bal là tổng kụk mờ ală mpồl lơh broă ndrờm bal; bơh sơnrờp kờp dŭ gơmù 500 kụk gơwèt ƀộ, ală tổng kụk.

Đơs tàm pơrjum, Thủ tướng ồng Phạm Minh Chính đơs sùm, broă rơndăp tăp sèng, ai lơh broă di pal ngan rlau jơh mờ mpồl lơh broă pal lơh bè lơi tơrmù, lơh broă gơtùi mờ geh cồng nha pơgồp bal mờ rơndăp tăp sèng wơl mờ tơnguh uă cồng nha lơh broă bơh kwang bàng, kông cứk, viên cứk dê. Tàm tŭ tơrmù mpồl lơh broă pal lơh, rơndăp lơh broă lơh dong kờl ờ tam gơl, geh bơta tàm đòm jat ală broă lơh dong kờl bơh lài do tus tŭ do. Is ồn, gơwèt mờ ală cau lơh broă geh sră pơrgon, Thủ tướng sồr pal geh broă lơh di pal,  ờ gŏ di lời cau lơh broă geh sră pơrgon pal kong bơta ờ di pal.