VOV4.K’Ho- Tơngkah 70 nam tam lơh pha lin Điện Biên Phủ (7/5/1954 - 7/5/2024), drim òr (06/05), mpồl kwang bàng đơng lam bồ, kwang đơng lam bồ Đảng, Dà lơgar lài do tus ơn goàng bơkào mờ mut tàm Gơlang iês ƀồc Củ tịc Hồ Chí Minh; ơn guàng bơkào kah kơlôi ală Cau ling khin cha jak chài, cau ling chơ̆t màng tàm gùng Bắc Sơn, Ba Đình, Hà Nội.

VOV4.K'Ho- Mang òr (05/5), di tơngkah 70 nam Tam lơh pha lin Điện Biên Phủ, Anih sơñio rùp Việt Nam bơyai lơh broă lơh sơñio rùp tơn “Hơ đơm nha bồng bi lơh ngan lơh geh pha lin”, tàm tơrbŏ mờ 5 anih pờ tơlik tơn là ƀòn dờng Điện Biên, Hà Nội, Thanh Hóa, Kon Tum mờ ƀòn dờng Hồ Chí Minh.

VOV4.K'Ho- Mho òr (05/5), Thủ tướng Cíñ phủ ồng Phạm Minh Chính tus bal Pơrjum yal Rơndap ù tiah càr Tây Ninh tơngai bơh nam 2021 tus nam 2030, broă rơndap lơh tus nam 2050.

VOV4.K’Ho- Drim òr (05/5), tàm càr Tây Ninh, Thủ tướng Cíñ phủ ồng Phạm Minh Chính đơng lam pơrjum Mpồl duh broă đơng lam pơgồp bal tiah đah Jum mat tơngai lik Dà lơgar dơ̆ 3 mờ tơngume “Lam lơh Broă rơndăp lơh tiah đah Jum mat tơngai lik Dà lơgar tơngai bơh nam 2021-2030, rơndăp broă tus nam 2050".

VOV4.K’Ho- Di dơ̆ tơngkah kir sơnrai 70 nam Tam lơh pha lin Điện Biên Phủ (7/05), Tỉñ ủy, Hội đồng Ñân zân, Ủy ƀan Ñân zân, Ủy ƀan Mặt trận Dà lơgar Việt Nam càr Dăk Lăk neh bơyai lơh ai ală mpồl tus còp, pà phan ală cau ling yau neh tus bal tam lơh Điện Biên Phủ gam ơm kis tàm ù tiah càr dê.

VOV4.K’Ho- 70 nam neh rơlao, mơya ală tŭ tam lơh tàm tiah tam lơh Điện Biên Phủ lài do kung gam kah sùm tàm bồ tơngoh bơh ală cau ling yau càr Yên Bái dê. Ală phan, rùp, pang sră kwơ gơrềng tus mờ broă lơh bơh Đảng ƀộ, gơnoar atbồ, ling klàng bal mờ làng bol càr Yên Bái drơng broă tam lơh Điện Biên Phủ kung geh gah lơh broă geh gơnoar tàm càr do jòi geh mờ yal.

VOV4.K’Ho- Ngai 3/05, Mpồl lơh broă Thàñ ủy, Hội đồng Ñân zân, Ủy ƀan Mặt trận Dà lơgar Việt Nam ƀòn dờng Hồ Chí Minh tus còp mờ pà phan ală cau dùl nă să neh tus bal tơn tam lơh Điện Biên Phủ, di dơ̆ tơngkah kir sơnrai 70 nam tam lơh pha lin Điện Biên Phủ.

VOV4.K'Ho - Dăk Lăk rơp dong kờl 24 tơmàn đông bal mờ Ƀộ Kwang àng lơh 1 rbô 200 nơm hìu ai hìu bơnhă rƀah, kal ke bè hìu ơm, hìu bơnhă geh sră dong kờl bơh dà lơgar, làng bol jơi bơtiàn dồ êt nă cau in tàm càr nam 2024.

VOV4.K’Ho- Tàm Gia Lai, Dăk Lăk, Kon Tum, mho ngai 3/05 geh dơ̆ gơdùh mìu dờng bồ kàl tàm uă tiah neh dong lơh rài bơta trồ tơngai duh mờ phan tam klàs bơh bơta ro kơnrañ.

VOV4.K'Ho - Tềng đap bơta đơng lam bồ bơh Đảng dê, tơnơ̆ 9 nam tam lơh dră wơl bol sò tơm Tây, ling mờ làng bol he neh lơh geh pha lin tàm dơ̆ tam lơh Điện Biên Phủ (07/5/1954), lơh tềl dùl tềl dờng màng ngan tàm kah yau tam lơh bơt bơtàu mờ sền gàr dà lơgar jơi bơtiàn dê. 70 nam neh lòt gan mơya tam lơh pha lin Điện Biên Phủ kung gam cèng gơtha dờng màng tàm broă lơh bơtàu tơnguh lơh sa, bơt bơtàu, sền gàr Dà lơgar tŭ do.