Đơs tàm dơ̆ tơngkah kir sơnrai, Thủ tướng jờng rơ, đơs niam ngan mờ chờ hờp bal mờ ală cồng nha mờ gah Dà sơnơm dê neh lơh geh tàm ală tŭ bơ̆t bơtàu mờ bơtàu tơngguh tàm 55 nam do. Thủ tướng đơs loh, tàm broă lơh lơh sa mờ măy mŏk, măy mŏk lơh jơh lơm den gah Dà sơnơm là gah lơh sa mờ măy mŏk lơh bơnàng jă, den tàng bè hơ̆, Tập đoàn Dà sơnơm Việt Nam ơm tềng đăp jơnau sồr ờ gơtùi ờ bơtàu tơngguh.

Do là gơnoar broă, kơnòl broă kơn jơ̆ ngan tềng đăp Đảng, Dà lơgar mờ Làng bol. Thủ tướng sồr tơngai tus, Tập đoàn Dà sơnơm Việt Nam pal mùl màl tam klăc; jơh ală pal ơn bơta kwơ dà lơgar, jơi bơtiàn hơđăng rlau jơh; rơcăng lài pơgồp bal niam, mờ geh cồng nha mờ ală ƀộ, gah, anih lơh broă, mpồl lơh broă, ală tiah bal mờ gơ̆p; pơgồp bal niam tàm dơlam is mpồl, ală tập đoàn, ală kông ty dờng, mpồl lơh sa kă bro bal mờ gơ̆p; rơcăng lài sền gròi bơcri priă, ngui tŭ tơngai niam tàm gùng dà bơtàu tơngguh tơlir, tam gơl sồ, tam gơl tơlir, bơtàu tơngguh năng lượng kơ̆ kơl jăp.