Củ tịc Quôk hội ồng Trần Thanh Mẫn đơs nền Việt Nam sùm sền dờng màng mờ ai lơh lài ngan tàm bơta gĭt gơ̆p lơh bơyô bal dờng màng, tam klăc bal is ồn mờ lơh broă bal tơl làm mờ Đảng, Dà lơgar mờ làng bol lơgar Lào dê.

Tàm tơngai tus, Củ tịc Quôk hội sồr 2 lơgar sơlơ tơnguh tai tàm pơgơl mpồl kwang bàng kấp dờng mờ ală kấp; pơgồp bal niam, dong kờl bal mờ gơ̆p tàm ală broă lơh, pơrjum cribơyai uă lơgar tàm tiah do mờ tàm dunia. Ală mpồl, mpồl cau làng bol bơh 2 lơgar dê, tờm ngan là Mpồl ală mpồl lơh bơyô bal Việt Nam mờ Anih duh broă Ring lơngai Việt Nam, Anih duh broă Ring lơngai mờ Tam klăc lơgar Lào pơgồp bal niam rlau tai, bơyai lơh uă broă lơh bơto bơtê cíñ trị, bồ tơngoh, is ồn là ai rơnàng kơnòm să in bè kah yau, bơhiàn yau, tam klăc bal lơh bơyô bal dờng màng Việt Nam mờ Lào.