Đơs tàm dơ̆ pơrjum, Tổng Ƀí thư, Củ tịc lơgar ồng Tô Lâm dờp, đơs niam ală broă lơh ngan bơh ală kwang bàng tàm Mpồl Sồr lơh dê tàm broă rơcang Cih jơnau yal Tơn jơh.

Mờ sồr pal pơn jăt tai kơlôi sơnơng, lơh loh tai ờ uă bơta bè: Sền wơl bè bơta gơlik geh bơh bơta ờ pràn den pal sơnđio loh làng rơlao tài bơta lơi geh nùs nhơm tờm. Tổng Ƀí thư, Củ tịc lơgar đơs loh, broă Tơn jơh ờ uă bơta cri bơyai jơnau tàm sră pơ àr mờ mùl màl bè broă tam gơl pa jăt pơlam gùng dà xã hội củ nghĩa tàm 40 nam do tàm lơgar Việt Nam là dùl broă lơh kwơ màng gơwèt mờ broă tam gơl pa, bơ̆t bơtàu mờ bơtàu tơnguh dà lơgar dê. Den tàng, tơnơ̆ mờ pơrjum, pal pơn jăt tai lơh gơs Jơnau yal nàng yal Ƀộ Cíñ trị pơgồp jơnau đơs mờ tơnơ̆ mờ hơ̆ pơn jăt tai lơh gơs dùl dơ̆ tai nàng yal Pơrjum Dà lơgar 10 mờr tus in.