Đơs tàm pơrjum, Thủ tướng ồng Phạm Minh Chính đơs nền, Pơrjum do geh gơtha dờng ngan tŭ geh lơh tàm tŭ tơngai gùt lơgar gam mut tàm tŭ tơngai tơng guh pràn, tam gơl pràn lơh ngan lơh gơs broă rơndap lơh 5 nam, bơh nam 2021 tus nam 2025, wèt tus ală jơnau kờñ kuơmàng bơtàu tơnguh tus nam 2030, broă rơndap lơh tus nam 2045. Mờ kung di tŭ 20 nam lơh jat Jơnau lơh nền sồ 36 bơh Ƀộ Cíñ trị dê bè broă lơh cau Việt Nam tàm lơgar ndai – dùl tềl kuơmàng tàm broă lơh do mờ broă lơh tam klac dờng jơh gùt jơi bơtiàn. Do kung là dơ̆ bơtòm tơrgùm mat nàng bol he in cribơyai ală broă kuơmàng, ngan ngồn bè bơta bơtàu tơng guh bơh dà lơgar dê tàm ală nam tus, mờ iat ală bơta kơp kờñ, tă pơgồp jơnau đơs kuơmàng bơh làng bol Việt Nam dê tàm lơgar ndai.