Duh broă sùm Ƀan Ƀí thư wă Mpồl Cau ala măt Đảng Srơh Làng bol Tơngklàs Angola
Thứ năm, 14:26, 22/08/2024
Cau mblàng K’Hạnh/VOV
Cau mblàng K’Hạnh/VOV
VOV4.K’Ho- Mho ngai 21/08, tàm Hà Nội, ồng Lương Cường, Kwang bàng Ƀộ Cíñ trị, Duh broă sùm Ƀan Ƀí thư neh wă Mpồl ala mat kwang bàng kấp dờng Mpồl Cau ala măt Đảng Srơh Làng bol Tơngklàs Angola at gơnoar, bơh ồng Manuel Domingos Augusto, Kwang bàng Ƀộ Cíñ trị, Ƀí thư Đảng dà lơgar drơng broă lơh broă mờ lơgar ndai lam bồ mpồl.
Tàm dơ̆ wă, ồng Lương Cường đơs nền Việt Nam sền dờng màng bơta gĭt gơ̆p lơh broă bal, lơh bơyô bal bơh yau mờ Đảng Srơh Làng bol Tơngklàs Angola at gơnoar, mờ Dà lơgar mờ làng bol Angola dê. Ồng Lương Cường đơs nền Việt Nam mờ Angola geh uă kơnhoàl ù tiah nàng bơtàu tơnguh lơh broă bal mờ sồr 2 Đảng tơrgùm đơng lam lơh jat geh cồng nha ală jơnau ring bal neh kĭ đah 2 lơgar dê.
Ồng Manuel Domingos Augusto đơs nền, kơ̆p kờñ sơlơ tơnguh tai tam klăc bal, lùp bơsram mờng chài lơh broă bơh lơgar Việt Nam dê tàm bơtàu tơnguh dà lơgar, gàr niam ring bal mpồl bơtiàn, tơnguh uă gơnoar broă, kơnòl broă tàm anih lơh broă ală lơgar dê.
Viết bình luận