Phó Củ tịc lơgar mò Võ Thị Ánh Xuân lòt còp, pà phan, pơn jờng ală mpồl Lữ đoàn ơhò ñơp mur 189, Mpồl ling dà lềng; Lữ đoàn ơhò mat dà 162, Tiah 4 Ling dà lềng. Còp kwang bàng, cau ling Gah đơng lam Tiah 4 ling dà lềng, Phó Củ tịc lơgar mò Võ Thị Ánh Xuân ai lơh chờ hờp ngan tềng đap bơta dờng pràn bơh ală mpồl ling gơ wèt Tiah 4 ling dà lềng dê, ờ mìng pơlam tàp rơcang lài tam lơh, dong kờl rềs àr mờ gam là anih kơldìng, bơta pin dờn kơ̆ kơljap ngan ai cau lơh ka in lòt lơh broă tàm dà lềng. Gơ wèt mờ Tiah 4 ling dà lềng, Phó Củ tịc lơgar sồr lơh niam 3 kơnòl broă: sền gàr kơ̆ gơnoar tờm dà lềng, bồt bơlàu; gàr niam lơngăp lơngai tàm dà lềng mờ bơtàu tơnguh lơh sa dà lềng kơ̆ kơljap.