VOV4.K'Ho - Mho ngai 05/4, tàm tiah dà lềng càr Bà Rịa-Vũng Tàu, Gah đơng lam Tiah Kảñ sát dà lềng 3 pơgồp bal mờ Mpồl sền gàr gah dà lềng lơgar Ấn Độ bơyai lơh pơlam tàp bal bè broă lơh rơcang sơndră bơta lìu zờu, lơh niam bơta ƀơ̆ tiah ơm kis mờ jòi dong kờl rềs àr, crùh ồs sa tàm dà lềng.

VOV4.K'Ho - Ală nam do, ală rơnàng kwang bàng, cau ling kảñ sát kơ động Kwang àng càr Dăk Lăk neh bal mờ ală mpồl lơh broă tam dră geh cồng nha mờ ală bơta cau tìs ngòt rơngơt, jòi kup bol pơrlơ̆ dră Fulro, sền gàr lơngăp lơngai dà lơgar, sền gàr rơndap tap sèng lơngap lơngai mpồl bơtiàn. Mpồl do neh pơn iờ să ngan geh Đảng, Dà lơgar jàu pà khà jờng Mpồl phàu crong khin cha jak chài bal mờ uă Gai lòng mờ phan ƀàn kuơmàng ndai.

VOV4.K'Ho - Tơnơ̆ tŭ tơn jơh Broă lơh atbồ đơng lam bồ kâp dờng nam 2024 geh bơyai lơh tàm Boston, Phó Thủ tướng ồng Lê Minh Khái neh tìp mat mờ cribơyai broă mờ 2, 3 nă kwang bàng mờ 2, 3 mpồl lơh sa kă bro dờng bơh lơgar Mỹ dê tàm càr lơgar Washington.

VOV4.K'Ho - Drim ngai 05/4, tàm Hà Nội, Mpồl tam klac Hợp ták xã Việt Nam bơyai lơh pơrjum pờ tơlik tơn tàm internet “Bơtàu tơnguh mờ gơ hòi gơ jà cau lơh broă geh bơta niam uă ai tiah lơh sa mpồl bal, hợp ták xã in”.

VOV4.K'Ho - Tàm pơrjum Ƀan Cấp hàñ Đảng ƀộ càr Gia Lai dơ̆ 15 bơyai lơh ngai 05/4, Sở Giao thông Vận tải càr neh yal bè broă tam gơl rơndap broă lơh bơcri priă lơh Gùng rơndeh ntoat mhar Pleiku- Quy Nhơn bơh broă lơh lơh bal đah dà lơgar mờ cau dồ nă să bơh sơn rờp gơs bơcri priă jat broă lơh bơcri priă dà lơgar, jat hơ̆ rơp gơmù 6 rbô 500 đông pơn drờm mờ kờp dŭ bơh sơn rờp.

VOV4.K’Ho- Mho ngai 04/04, tàm Hìu duh broă Cíñ phủ, Thủ tướng Cíñ phủ ồng Phạm Minh Chính neh wă rò Đại sứ lơgar Tây ồng Olivier Brocher mờ Đại sứ lơgar Tây Ban Nha ồng Carmen Cano de Lasala tus còp să di dơ̆ sơnđờm tơngai lơh kơnòl broă tàm lơgar Việt Nam.

VOV4.K’Ho- Mho ngai 04/04, Ƀộ Quôk phòng pơgồp bal mờ Ƀan Tuyên giáo Dà lơgar bơyai lơh Pơrjum yal dơ̆ Pơrjum cribơyai jak chài kấp Dà lơgar “Tam lơh pha lin Điện Biên Phủ mờ broă lơh bơt bơtàu mờ sền gàr Dà lơgar Việt Nam Xã hội củ nghĩa.

VOV4.K'Ho - Drim ngai 04/4, Hìu bơsram Đại họk Thái Nguyên bơyai lơh tơngkah kir sơnrai 30 nam ngai crơng gơs mờ dờp Gai lòng Lơh broă khà 1. Atbồ ing Củ tịc lơgar mò Võ Thị Ánh Xuân neh tus bal mờ đơs đơng lam.

VOV4.K’Ho- Mìng gam ờ tơl 2 nhai tai, nam bơsram 2023-2024 geh tơn jơh. Mơya tus tŭ do, UɃÑZ càr Dăk Lăk kung gam ờ hềt lơh nền nàng rơwah gùng dà lơi ai dơ̆ rơwah kơnòm bơsram mŭt bơsram ơdŭ 10 in. Bŭ lah sền sơwì rơwah, pơrlòng rơwah ha là pơgồp bal jơh bàr den kung gam di pơgăp 8 rơbô nă kơnòm bơsram tơnơ̆ mờ tŭ neh jơh bơsram kấp 2 pal rơwah bơsram tàm ală hìu bơsram sùm, ală hìu bơsram cau dùl nă să lơh is ha là hìu bơsram broă lơh. Tŭ do, Sở Giáo dục mờ Đào tạo càr Dăk Lăk gam tơnguh broă pơlam rơwah kơnòm bơsram, yal broă lơh ai kơnòm bơsram kấp 2 in nàng ală kơnòm bơsram gơtùi rơwah di pal.

VOV4.K’Ho- Rơlao 1 rơbô dơ̆ tìs mờ adăt sền gàr brê, bơta sơgràm tam phan, sơgràm ù brê gơtìp kal ke, uă cau tờm brê gơtìp ờ tơl pràn sền gàr brê. Jơnau yal do geh đơs tàm Pơrjum bè broă atbồ, sền gàr brê geh UɃÑZ càr Dăk Lăk bơyai lơh drim òr (04/4).