5 nam do, srơh tàm pơrlòng Cau ling yau lơh krơh càr Kon Tum dê geh lơh duh hồl, làm uă. Kwang bàng, cau tàm mpồl cau ling yau pà rlau 34 rbô 200 thơk vuông ù, tă pơgồp gĭt nđờ jơ̆t rbô ngai lơh niam wơl, lơh pa 200 kơi sồ gùng ƀòn, rbòng dà tàm sươn sre; sang geh 500 nơm hìu lơh ing, lơh pa 44 nơm hìu Bơta nđàc Cau ling yau; rlau 800 broă lơh tơrlòng lài lơh sa sươn dờng; mpồl lơh broă bal, mpồl lơh sa kă bro bơh ală cau ling yau dê lơh gơrề pràn kơldang nùs nhơm sơrlèt kal ke bơtàu tơngguh lơh sa.

Đơs tàm pơrjum, Thượng tướng ồng Bế Xuân Trường, Củ tịc Mpồl Cau ling yau Việt Nam jờng rơ broă lơh bơyai lơh pơrjum dờng bơh Mpồl Cau ling yau càr Kon Tum dê; cih dờp, jờng rơ nùs nhơm jơh nùs bơh cau tàm mpồl cau ling yau dê tàm broă tus bal bơ̆t bơtàu, sền gàr Đảng, gơnoar ătbồ mờ làng bol; tam klăc dong kờl bal bơtàu tơngguh lơh sa.