Tus tŭ do, càr Lâm Đồng neh crơng gơs 124 Anih duh broă tĕ khà kâp sàh di rơndap tap sèng, mpồl cau jat jơnau cih bơh adat boh lam dê; mờ kung crơng gơs 6 Mpồl tĕ khà cau ala mat Quôk hội mờ 38 Mpồl tĕ khà cau ala mat Mpồl duh broă Làng bol càr. Gùt càr tam pà gơs 6 mpồl tĕ khà cau ala mat Quôk hội, rơp pồ 17 nă cau ala mat; 38 mpồl tĕ khà Mpồl duh broă Làng bol càr, pồ 85 nă cau ala mat. Cà rneh crơng gơs 1 rbô 4 mpồl tĕ khà cau ala mat Mpồl duh broă Làng bol kâp sàh nàng pồ 2 rbô 949 nă cau ala mat.

Đơs pơn dut dơ̆ lơh broă, Phó Củ tịc Mpồl duh broă tĕ khà dà lơgar mò Võ Thị Ánh Xuân sồr càr sơlơ đơng lam, sồr lơh, sền broă lơh tĕ khà là kơnòl broă cíñ trị kuơmàng, ờ lời khat dùl broă lơi gơtìp lơyài, gơtìp lời huĭ halà gơtìp rơmơp ndơl; mờ kung lơh kràñ broă sền sơ wì bơta pal geh bơh cau tơlik mat tĕ khà dê, gàr rơndap tap sèng dipal, di jơnau sồr.