Do là broă lơh geh lơh dờng ngan rlau jơh bơh lài tus tŭ do tàm ală sàh tiah nhàr lơgar: Dăk Wil, Thuận An, Thuận Hạnh, Quảng Trực mờ Tuy Đức. Broă lơh jàu rlau 2 rơbô 600 bơnah phan pà tus mờ làng bol, kwang bàng, cau ling; bơyai lơh ală broă lơh niam chài- đơs crih tam ya gờm chờ Đảng, gờm chờ sơnam pa mờ sơnđờm mut lơh mpồl làng bol ơm kis tơrgùm tàm sàh Quảng Trực.

Thiếu tướng ồng Trần Chí Tâm, Phó Cíñ ủy Ling tiah 7, pà gĭt, broă bơyai lơh broă lơh “Sơnam pa cau ling” mờ geh lơh dờng ngan rlau jơh bơh lài tus tŭ do tơngŏ bơta sền gròi jrô ơnàng uă ngan bơh Đảng, Dà lơgar gơwèt mờ ling klàng mờ làng bol tàm ù tiah do dê; bơh hơ̆ pơgồp bơnah lơh kơ̆ kơl jăp, bơt bơtàu kơnhăp kơ̆ “nùs nhơm rcang gàr lài làng bol ” tiah nhàr lơgar bơh Dà lơgar dê.