Ală rơndăp broă lơh kờp jơh geh bơta ơnàng mờr 790 lồ. Lài hơ̆, Anih duh broă làng bol càr Quảng Ngãi neh ring bal cồng nha sac rơwah cau bơcri priă lơh bơh broă lơh tàm pơrlòng giă gơwèt mờ ală rơndăp broă lơh.

 Ngan ngồn, Kông ty Trách nhiệm Hữu hạn Tập đoàn Sun World lơh bal mờ Kông ty Trách nhiệm Hữu hạn Atbồ Phan bơna bơt bơtàu Nam Việt mờ Kông ty Trách nhiệm Hữu hạn Atbồ Ù tiah hìu đam Ngôi sao Phú Quốc là ală mpồl lơh sa kă bro bơcri priă lơh ală rơndăp broă lơh. Tơnơ̆ tŭ lơh sir, 3 rơndăp broă lơh tiah drà do rơ̆p lơh geh jơnau kờñ drà kă bro rlau 14 rơbô phan bơna ù tiah hìu đam ală bơta. Ală rơndăp broă lơh bơcri priă nàng kờñ lơh ngan ngồn rơndăp ù tiah tiah Tây Nguyên mờ rơndăp ù tiah bal bơt bơtàu Tiah lòt nhơl Măng Đen, hời rơ hời lơh geh dùl tiah lơh sa gơn kơnờm pa bơh càr Quảng Ngãi dê.