Mpồl lơh broă neh lòt còp, nting bơr Sa tềp ală Pôs đồng Sền gàr tiah nhàr lơgar Yok Đôn, Bo Heng, mờ Dăk Ruê. Đơng lam càr Dăk Lăk đềt mềr lùp còp bè rài kis, iăt kơno broă lơh broă, crăp rơcăng tam lơh, sền gàr gơnoar tờm, lơngăp lơngai nhàr lơgar tàm dơ̆ Sa tềp bơhiàn yau jơi bơtiàn dê. Đơng lam Anih duh broă Làng bol càr Dăk Lăk yal, nam 2025 pa do tìp mờ uă kal ke, bơta lòng mơya càr kung gam lơh geh uă cồng nha niam ngan tàm bơtàu tơngguh lơh sa – mpồl bơtiàn. Rề dia geh mờr 18 rbô tơmàn đong, gơguh rlau 30% pơndrờm mờ kờp dŭ lài Dà lơgar dê jàu, tăc phan mờ lơgar ndai geh rlau 2 tơmàn 800 tơlak dolar Mỹ.

Càr đơs niam ngan ală tă pơgồp dờng ngan bơh mpồl phàu crong dê, tàm hơ̆ geh Cau ling Sền gàr tiah nhàr lơgar, neh pơgồp bơnah gàr kơ̆ sền gàr dà lơgar – lơngăp lơngai, gàr niam gơnoar tờm tiah nhàr lơgar dà lơgar, geh gơtha kwơmàng gơ wèt mờ bơta kơ̆ kơl jăp mờ bơtàu tơngguh. Đơng lam ală mpồl sền gàr tiah nhàr lơgar yal, mpồl neh rơcăng lài ală broă rơndăp lơh crăp rơcăng tam lơh, gàr niam lơngăp lơngai ngan tàm dơ̆ Sa tềp bơhiàn dà lơgar nam Ơseh 2026; mờ ală mpồl kung gam jơh nùs bơyai lơh ală broă lơh sền gàr rài kis mpồl bơtiàn bè “Sơnam pa Sền gàr tiah nhàr lơgar ram nùs làng bol ƀòn lơgar”, sơm băt tê bal sền gròi sa tềp ai làng bol kơnhoàl ù tiah nhàr lơgar in.