Tàm dơ̆ lơh broă, Thủ tướng neh iăt Củ tịc Tập đoàn Adani yal bè Tập đoàn mờ tàm lùp bè ală rơndăp broă lơh bơcri priă bơh Adani dê tàm lơgar Việt Nam mờ bơta pràn, tŭ niam lơh broă bal tàm rài tơnơ̆ do, ngan là rơndăp broă lơh Anih ơhò ơm Liên Chiểu Đà Nẵng, Ƀlàng rơndeh par Chu Lai, Hìu măy đèng Vĩnh Tân 3…Adani kơ̆p kờñ đah lơgar Việt Nam ai tơl bơta, tă bơsong ală kal ke bè lơh sră nggal adăt boh lam ală rơndăp broă lơh do.

Đơs tàm do, Thủ tướng ồng Phạm Minh Chính jờng rơ cồng nha lơh broă lơh sa kă bro mờ bơta wèt sền bơh Tập đoàn Adani dê tàm tơngai do. Jờng rơ ngan bơta lơh broă bal, bơcri priă bơh Tập đoàn dê tàm Việt Nam mờ kơ̆p kờñ bơtàu tơngguh, rề ơnàng tam tơngai tus. Thủ tướng đơs nền đơs nền, Việt Nam jờng rơ tập đoàn bơcri priă tàm ală broă mờ lơgar Việt Nam ai lài, là phan bơna năng lượng, gùng lòt, logistic. Thủ tướng sồr kwang đơng lam bồ Tập đoàn neh bơyai là pal lơh mờ pal bơyai loh làng broă nàng loh cau, loh broă, loh phan bơna, loh kơnòl mờ neh hơ là pal lơh, nàng lơh ală rơndăp broă lơh.