Đơs sồr lơh tàm dơ̆ pơrjum, Củ tịc lơgar đơs loh, lơh tam gơl pa wơl sền gàr adăt boh lam là dùl tàm ală tơngume kwơmàng tàm gùng dà tam gơl pa bơh Đảng dê, nàng kờñ pơgồp bơnah bơ̆t bơtàu mờ lơh sir Dà lơgar gơnoar adăt boh lam Xã hội Củ nghĩa Việt Nam, pal lơh jăt ring bal jơnau pal jăt gơnăp gơnoar Dà lơgar là ring bal, geh bơta jàu broă loh làng, pơgồp bal niam, gròi sền gơtùi đah ală anih lơh broă dà lơgar tàm broă lơh jăt ală gơnoar lơh adăt boh lam, lơh jăt adăt boh lam mờ sền gàr adăt boh lam, sền gàr jơnau dipal adăt boh lam dê, gơnoar kòn bơnus, gơnoar làng bol, bơta kwơ Dà lơgar dê, mpồl dê mờ cau dồ nă să is dê.

Tàm bơta hơ̆, broă lơh sền gàr adăt boh lam mờ lơh tam gơl pa wơl sền gàr adăt boh lam kờñ pal pơn jăt tai geh lơh pràn, mờ bơta jơh nùs cíñ trị uă, geh gùng dà dipal, ngui geh bơta pràn tơrgùm bal bơh ală kâp, ală gah dê bơh Dà lơgar tus ƀòn lơgar mờ tus jơh gùt mpồl bơtiàn, kơ̆ nùs jơnau kờñ, pơlam gùng neh geh gĭt nền nàng lơh geh niam rlau jơnau sồr, gơ sồr bơh broă pa dê.